კომპანია APPLE-მა წლის ყველაზე მასშტაბურ წვეულებაზე 4 ახალი პროდუქტი - MacBook Air-ი, Mac mini-ი, IPad-ი და განახლებული Apple Pencil-ი წარადგინა.

ღონისძიება ნიუ-იორკში, ბრუკლინის ერთ-ერთ საკონცერტო დარბაზში გაიმართა, მასზე ათასობით მოხალისე, ბლოგერი და სხვადასხვა შემოქმედებითი სპეციალობის ადამიანი იქნა მიწვეული.

კომპანიამ განახლებული და ბევრისთვის საყვარელი MacBook Air-ის ბევრად თხელი და ელეგანტური ვერსია წარადგინა. ამ პროდუქტის ღირებულება $1,199.00 - $1,399.00 იქნება.

აგრეთვე განახლებული მინი კომპიუტერი Mac mini, თითქმის უცვლელ კორპუსში, მაგრამ გაუმჯობესებული მონაცემებით $799.00 - $1,099.00 ეღირება.

ახალ, თითქმის მთლიანად სახეშეცვლილ IPad Pro-ს წინა ღილაკი და ჩარჩოები მოაშორეს, ხოლო კორპუსის ფორმა ბევრად მკაცრი და გეომეტრიული გახდა. 11 ინჩიანი Ipad Pro-ს ფასი 800$-დან, ხოლო 12.9 ინჩიანის, 999$-დან იწყება.

რაც შეეხება Apple Pencil-ს , ის კვლავ თეთრი ფერის, მრგვალი, მაგრამ ერთი მხრიდან ბრტყელია. მაგნიტური დამტენი, რომელიც პანელით შეძლებს ახალ IPad Pro-სთან დაკავშირებას, 129 $ ეღირება.

ავტორი: ,

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება