ბათუმში, ადამიანით ვაჭრობის წინააღმდეგ ბრძოლის საინფორმაციო კამპანია გაიხსნა

2018-10-18 12:59:58, 830 ნახვა

რეგიონი

დღეს ბათუმში ადამიანით ვაჭრობის წინააღმდეგ ბრძოლის IOM-ის საინფორმაციო კამპანია გაიხსნა.

შეხვედრას აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე და აჭარის ა/რ დასაქმების სააგენტოს ხელმძღვანელი თემურ კახიძე სხვა ოფიციალურ პირებთან ერთად დაესწრნენ.

შეხვედრაზე ტრეფიკინგის წინააღმდეგ ბრძოლის სფეროში მონაწილე უწყებების წარმომადგენლებს საშუალება აქვთ განიხილონ აღნიშნულ სფეროში არსებული გამოწვევები, მიღწევები და გეგმები.

მიგრაციის საერთაშორისო ორგანიზაციის, გაეროს მიგრაციის სააგენტოს კამპანია "უხილავნი ჩვენს შორის" ტრეფიკინგის წინააღმდეგ ბრძოლის ევროპის დღის აღსანიშნავად მოეწყო.

კამპანია მხარდაჭერილია ნორვეგიის საგარეო საქმეთა სამინისტროს მიერ. ის ხორციელდება ადამიანის ვაჭრობის მსხვერპლთა, დაზარალებულთა დაცვისა და დახმარების სახელმწიფო ფონდთან ერთად, იუსტიციის სამინისტროსთან თანამშრომლობით. კამპანია არის საჯარო არტ-ინსტალაცია, რომელიც წარმოადგენს ტრეფიკინგის მსხვერპლთა რეალურ ისტორიებს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები