„საქართველო ვერ იქნება ვერც მარიხუანის და ვერც სხვა ნარკოტიკის მწარმოებელი ქვეყანა. ეს იარლიყი არ შეიძლება მიეწეროს ჩვენს სამშობლოს“, - ამის შესახებ საქართველოს პრეზიდენტმა გიორგი მარგველაშვილმა ავლაბრის რეზიდენციაში გამართულ პრესკონფერენციაზე განაცხადა.

როგორც მან აღნიშნა, ნარკომომხმარებლების მიმართ ლოიალურია, თუმცა საქართველოში მარიხუანის წარმოებისა და ექსპორტის იდეა მისთვის მიუღებელია.

„ჩემთვის გაუგებარი იყო ის დებატები, რომელიც შეეხებოდა ნარკოტიკული ნივთიერებების წარმოების უფლების თაობაზე. საზოგადოებამ იცის, რომ ვარ ლოიალური ნარკომომხმარებლების მიმართ. არაერთი ნარკომომხმარებელი შემიწყალებია და არ მიმაჩნია, რომ ნარკომომხმარებლები უნდა იჯდნენ ციხეში და იხდიდნენ სასჯელს როგორც კრიმინალები. ამ ფონზე, სრულიად მიუღებელია ნარკოტიკული საშუალებების წარმოების იდეა საქართველოში და მიუღებელია ორი მთავარი პოზიციიდან გამომდინარე  - პირველი არის ის, რომ თუ ჩვენ გავხდებით ნარკოტიკების მწარმოებელი ქვეყანა, ჩვენ ნამდვილად ვერ გავაკონტროლებთ ეფექტურად ნარკოტიკების გავრცელებას და ბევრად უფრო მეტი ადამიანი სავარაუდოდ, გახდება ამ სენის მსხვერპლი. რაც შეეეხება მეორე საკითხს, საგარეო პოლიტიკის თვალსაზრისით, საქართველო, როგორც ნარკოტიკების მწარმოებელი ქვეყანა, ეს არ არის ის იმიჯი, რისთვისაც ჩვენ ვუყვარვართ, გვაფასებენ, რის გამოც მხარს გვიჭერენ და გვიცავენ. ეს არის ძალიან რთული იმიჯი, რომელსაც შეიძლება მოყვეს რთული შედეგები“, - განაცხადა პრეზიდენტმა.

ავტორი: ,

სოციალური ქსელები

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა

დროა: როდესაც ხოშტარია არ არის გადაყვანილი სამოქალაქო კლინიკაში, ეს სადამსჯელო ოპერაციაა

სააკაშვილი: ზურაბიშვილი საქართველოს ისტორიაში ყველაზე ცუდი საგარეო საქმეთა მინისტრი იყო