დანიის სამეფოში, იუტლანდიის რეგიონში საქართველოს საკონსულო დაწესებულება ოფიციალურად გაიხსნა.

წარმომადგენლობას ჰორსენსის მუნიციპალიტეტში საქართველოს საპატიო კონსული მარიანე ბოლსი ხელმძღვანელობს.

საქართველოს საგარეო საქმეთა სამინისტროს ინფორმაციით, საზეიმო ღონისძიებას ადგილობრივი ხელისუფლების წარმომადგენლები, მათ შორის ჰორსენსის მერი პიტერ სორენსენი და ჰორსენსის ბიზნეს საბჭოს თავმჯდომარე ტორბენ ბუსკი დაესწრნენ, ასევე, დანიის საგარეო საქმეთა სამინისტროს, ადგილობრივი ბიზნეს წრეების, მედია საშუალებების წარმომადგენლები და დანიაში მცხოვრები ქართველები.

დამსწრე საზოგადოებას სიტყვით ჰორსენში საქართველოს საპატიო კონსულმა, საქართველოს საგანგებო და სრულუიფლებიანმა ელჩმა ნიკოლოზ რთველიაშვილმა.

გამოსვლაში, საქართველოს საპატიო კონსულმა მარიანე ბოლსმა ყურადღება გაამახვილა დანიის ქ. ჰორსენსა და საქართველოს ამბროლაურის მუნიციპალიტეტს შორის არსებულ თანამშრომლობაზე და საქართველოში უკვე განხორციელებულ პროექტებზე.

დანიის სამეფოში საქართველოს ელჩმა კი სიტყვით გამოსვლისას ორ ქვეყანას შორის სხვადასხვა სფეროში არსებული წარმატებული თანამშრომლობა აღნიშნა, რასაც კიდევ უფრო ხელს შეუწყობს საპატიო საკონსულოს საქმიანობა. განსაკუთრებული ყურადღება დაეთმო ამბროლაურისა და ჰორსენსის მუნიციპალიტეტებს შორის არსებულ მჭიდრო ბიზნეს კავშირებს, ასევე კულტურის, განათლებისა და ტურიზმის სფეროებში სამომავლო თანამშრომლობის პერსპექტივებს. აგრეთვე, ელჩმა ქ. ჰორსენსის მერსა და ქალაქის ბიზნეს საბჭოს თავმჯდომარეს რაჭა-ლეჩხუმისა და ქვემო სვანეთის რეგიონში სახელმწიფო რწმუნებულის სახელით საქართველოში ოფიციალური მოწვევის წერილები გადასცა.

ჰორსენსის მერმა პიტერ სორენსენმა, მადლობა გადაუხადა ელჩსა და სახელმწიფო რწმუნებულს მოწვევისათვის და განაცხადა, რომ დიდი სურვილი აქვს ესტუმროს საქართველოს საუბრისას, მან ასევე აღნიშნა, რომ ბიზნეს-სექტორში არსებულ ძალზედ წარმატებულ ურთიერთობებს, რომელსაც უკვე გააჩნია ხელშესახები შედეგები, იგი მხარეებს შორის სხვა მნიშვნელოვან სფეროებში ურთიერთობის გაღრმავების მეტად ეფექტური საშუალებაა. გამოსვლის დასასრულს, პიტერ სორენსენმა იმედი გამოთქვა, რომ ქ. ჰორსენში საქართველოს წარმომადგენლობის გახსნით კიდევ უფრო გაღრმავდება არსებული კავშირები და გაფართოვდება მხარეებს შორის თანამშრომლობის სფეროები.

ღონისძიებაზე მოწვეულ სტუმრებმა ქართული ღვინო და ტრადიციული ქართული კერძები დააგემოვნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა