ახალ ვებგვერდზე Datalab.ge მაღალჩინოსნების ხელფასების, დანამატების, სამივლინებო, საწვავისა თუ სხვა სახის ხარჯების შესახებ ინფორმაცია განთავსდება.

ვებგვერდი "ინფორმაციის თავისუფლების განვითარების ინსტიტუტმა" (IDFI) წარადგინა.

შეხვედრა IDFI-ის პროგრამების დირექტორმა ლევან ავალიშვილმა გახსნა. მან ისაუბრა იმ მიღწევებსა და გამოწვევებზე რაც საქართველოში საჯარო ინფორმაციის ხელმისაწვდომობის კუთხით არსებობს.

„აუცილებელია, რომ საქართველოს მთავრობამ და იუსტიციის სამინისტრომ დააჩქარონ პარლამენტში ინფორმაციის თავისუფლების შესახებ ახალი კანონპროექტის წარდგენა, სადაც, ვფიქრობ, ასევე გათვალისწინებული უნდა იყოს ღია მონაცემთა გამოქვეყნებისა და ხელმისაწვდომობის საკითხები,“ – განაცხადა ლევან ავალიშვილმა.

რაც შეეხება ახალ ვებგვერდს, IDFI-ის ელექტრონული მიმართულების ხელმძღვანელის თეონა ტურაშვილის განცხადებით, ბაზა მოიცავს ისეთ ინფორმაციას, როგორიცაა სტატისტიკა, ჯანდაცვა, განათლება და სხვა. 

„www.DataLab.ge-ზე მოცემულია 800-ზე მეტი საჯარო ინფორმაციის მონაცემთა ბაზა, 165 ცენტრალური და ადგილობრივი სახელმწიფო დაწესებულებიდან. მონაცემები ეხება საზოგადოებისთვის მნიშვნელოვან ისეთ საკითხებს, როგორებიცაა: საჯარო ადმინისტრირება, ფინანსები, ტრანსპორტი, საზოგადოება, ეკონომიკა, ადგილობრივი თვითმმართველობა, დანაშაულის სტატისტიკა, სოციალური საკითხები, ჯანდაცვა, განათლება და გარემო“, - განმარტა თეონა ტურაშვილმა.

ავტორი: ,

სოციალური ქსელები

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა

ქვრივიშვილი ჩინეთთან საქართველოს მჭიდრო სავაჭრო ურთიერთობებს ადიდებს