აშშ-ის პრეზიდენტმა ბარაკ ობამამ და გერმანიის კანცლერმა ანგელა მერკელმა "დიდი შვიდიანის" ქვეყნების სამიტის ფარგლებში რუსეთის წინააღმდეგ დაწესებულ სანქციებთან დაკავშირებით ერთობლივი განცხადება გააკეთეს.

ორი ქვეყნის ლიდერის განცხადებით, რუსეთის წინააღმდეგ სანქციები ძალაში დარჩება, სანამ მინსკის შეთანხმება ცეცხლის შეწყვეტასთან დაკავშირებით არ შესრულდება.

ბავარიაში "დიდი შვიდიანის" ქვეყნების სამიტის ფარგლებში გამართული შეხვედრის შემდეგ თეთრმა სახლმა განცხადება გაავრცელა, სადაც ნათქვამია, რომ ორი ქვეყნის ლიდერი რუსეთის წინააღმდეგ სანქციების ძალაში დატოვებაზე შეთანხმდა, სანამ ფედერაცია სრულად არ შეასრულებს მინსკის შეთანხმებას და პატივს არ სცემს უკრაინის დამოუკიდებლობას.

ბავარიის ალპებში "დიდი შვიდიანის" სამიტი უკვე მეორე დღეა მიმდინარეობს. რუსეთი "დიდი რვიანიდან" ყირიმის ანექსიის შემდეგ გარიცხეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის