მოსკოვისა და სრულიად რუსეთის პატრიარქი კირილი კონსტანტინოპოლის პატრიარქთან ერთობლივ ღვთისმსახურებას შეაჩერებს და მსოფლიო პატრიარქს ლოცვებში აღარ მოიხსენიებს, - ამის შესახებ "რია ნოვოსტი" იუწყება.

მედია საშუალების ინფორმაციით, აღნიშნული გადაწყვეტილება რუსეთის მართლმადიდებლური ეკლესიის წმინდა სინოდმა მიიღო.

საპატრიარქოს საგარეო ურთიერთობების დეპარტამენტის ხელმძღვანელის მიტროპოლიტ ილარიონის განმარტებით, ეს გადაწყვეტილება შინაარსობრივად დიპლომატიური ურთიერთობების გაწყვეტის ტოლფასია.

მისივე თქმით, მოსკოვის საპატრიარქო ასევე წყვეტს საეპისკოპოსო ასამბლეებსა და საღვთისმეტყველო დიალოგებში მონაწილეობას, რომლებშიც თავმჯდომარედ და თანათავმჯდომარეებად კონსტანტინოპოლის საპატრიარქოს წარმომადგენლები არიან.

"თუ მსოფლიო პატრიარქი უკრაინის ტერიტორიაზე ანტიკანონიკურ მოღვაწეობას გააგრძელებს, მოსკოვის საპატრიარქო იძულებული გახდება ევქარისტიული კავშირი გაწყვიტოს", - აღნიშნავენ რუსეთის საპატრიარქოში.

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით