საქართველო არის აღმოსავლეთ პარტნიორობის წამყვანი ქვეყანა და ესტონეთი მომავალშიც განაგრძობს მის მხარდაჭერას ორმხრივ და მრავალმხრივ ფორმატებში, - ამის შესახებ ესტონეთის პრეზიდენტმა კერსტი კალიულაიდმა საქართველოს პრემიერ-მინისტრ მამუკა ბახტაძესთან შეხვედრისას განაცხადა.

ესტონეთის პრეზიდენტმა წარმატებულად შეაფასა საქართველოს მთავრობის სტრატეგია ევროკავშირსა და ნატოსთან მიმართებაში. ხაზი გაესვა ევროპული და ევროატლანტიკური ინტეგრაციის გზაზე საქართველოს მიერ მიღწეულ პროგრესს. პრემიერ-მინისტრმა აღნიშნა, რომ საქართველოს ევროპული ინტეგრაცია ქართველი ხალხის ცივილიზაციური არჩევანია და ისაუბრა ევროკავშირში გაწევრიანების საგზაო რუკის შემუშავების პროცესის მიმდინარეობაზე. მამუკა ბახტაძის განცხადებით, საქართველოს მთავრობა ამ პროცესში ესტონეთის მტკიცე მხარდაჭერას აფასებს.

ყურადღება გამახვილდა განათლების სფეროში დაგეგმილ რეფორმებზე. ქართულმა მხარემ გამოთქვა დაინტერესება, გაიზიაროს ესტონეთის გამოცდილება ისეთ სფეროებში, როგორიცაა განათლება, მცირე და საშუალო ბიზნესის განვითარება და ციფრული ტექნოლოგიები. პრემიერ-მინისტრმა აღნიშნა, რომ განათლების რეფორმა, ციფრული ტრანსფორმაცია და მცირე და საშუალო ბიზნესის ხელშეწყობა მთავრობის აბსოლუტური პრიორიტეტია, ვინაიდან ეს ეკონომიკის განვითარებისა და სიღარიბის დაძლევის ერთ-ერთი უმნიშვნელოვანესი წინაპირობაა.

საუბარი შეეხო საქართველოს მთავრობის სამშვიდობო ინიციატივას „ნაბიჯი უკეთესი მომავლისკენ", რომელიც კონფლიქტის შედეგად გაყოფილ საზოგადოებებს შორის ნდობის აღდგენას და განათლებაზე, ჯანდაცვასა და კომერციულ საქმიანობაზე ხელმისაწვდომობის უზრუნველყოფას ისახავს მიზნად.

ესტონეთის პრეზიდენტმა საქართველოს ტერიტორიული მთლიანობისა და სუვერენიტეტისადმი მტკიცე მხარდაჭერა კიდევ ერთხელ დაადასტურა, რისთვისაც პრემიერ-მინისტრმა მას მადლობა გადაუხადა.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა