ხაშურში, სოფელ ცედანის მიმდებარე ტერიტორიაზე ტყის საფარი იწვის (ფოტო/ვიდეო)

2018-08-30 10:47:55, 725 ნახვა

რეგიონი

ხაშურში, სოფელ ცედანის მიმდებარე ტერიტორიაზე ფოთლოვანი ტყის საფარი იწვის.

ამ დროისთვის არსებული მონაცემებით, 10 ჰექტარამდე ფართობია დამწვარი.

ადგილზე 220 მეხანძრე-მაშველი და 12 სახანძრო-სამაშველო სპეცტექნიკა მუშაობს. მათ შორის, ტყის სპეციალური სახანძრო მანქანები.

„მობილიზებულია ყველა შესაბამისი სამსახური, რათა დროულად მოხდეს ხანძრის ლოკალიზება“, - აცხადებენ საგანგებო სიტუაციების მართვის სამსახურში.

ამასთან, ადგილზე იმყოფებიან შიდა ქართლის რეგიონის გუბერნატორი, შიდა ქართლის პოლიციის დეპარტამენტის ხელმძღვანელი და სამართალდამცავები. ასევე, ეროვნული სატყეო სააგენტოს თანამშრომლები.

შინაგან საქმეთა სამინისტრომ გამოძიება დაიწყო სისხლის სამართლის კოდექსის 188-ე მუხლის მე-2 ნაწილით, რაც ცეცხლთან ან მომეტებული საფრთხის წყაროსთან გაუფრთხილებელი მოპყრობით ნივთის დაზიანებას ან განადგურებას გულისხმობს.