საქართველოს თავდაცვის მინისტრის თინა ხიდაშელის განცხადებით, მთავრობის დღევანდელ სხდომაზე ბიუჯეტის კორექტირებასთან დაკავშირებით, კონკრეტული საუბარი არ ყოფილა.

როგორც ხიდაშელმა ჟურნალისტებს განუცხადა, 10 ივნისამდე ბიუჯეტის დაკორექტირებულ ვარიანტს წარადგენენ. თუმცა, მანამდე ხიდაშელი აცხადებს, რომ თავდაცვის  ბიუჯეტის პროგრამულ ნაწილს არც ერთი თეთრი არ მოაკლდება.

"ბიუჯეტის კორექტირებაზე რაიმე კონკრეტული საუბარი დღევანდელ მთავრობის სხდომაზე არ ყოფილა იქიდან  გამომდინარე, რომ ყველა სამინისტროს აქვს დავალებული, წარმოვადგინოთ ჩვენი ვერსიები, 10 ივნისამდე  განისაზღვრა ეს ვადა და შესაბამისად, 10 ივნისამდე წარმოვადგენთ ინფორმაციას. ერთი რამ ზუსტად შემიძლია გითხრათ, რომ არც ერთი თეთრი თავდაცვის ბიუჯეტის პროგრამულ ნაწილს არ მოაკლდება.თუკი იყო იქ გათვალისწინებული რამე, მაგალითად, რბილი ავეჯის შესაძენად, ამას აღარ ვიყიდით",-განაცხადა თინა ხიდაშელმა.

ცნობისთვის, საქართველოს პრემიერ-მინისტრმა ირაკლი ღარიბაშვილმა ნოდარ  ხადურს დაავალა,  10 ივნისამდე ბიუჯეტის დაკორექტირებული ვარიანტი  წარმოადგინოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა