„კითხვების არარსებობა და სიმწირე ჩემდამი მიანიშნებს იმას, რომ არც არასდროს ყოფილა რეალური კითხვები და ის დიდი შეურაცხყოფის, თუ პოლიტიკურად ანგაჟირებული განცხადებები, გადადექი და შენი ბრალია ყველაფერი, იყო ცარიელი წყალი“,- ასე შეაფასა იუსტიციის მინისტრმა თეა წულუკიანმა, ხორავას ქუჩაზე მომხდარი მკვლელობის საქმეზე შექმნილი დროებითი საგამოძიებო სხდომაზე, მისი გამოკითხვის რეკორდულად სწრაფად დასრულება.

იუსტიციის მინისტრი კომისიისგან კანონის უზენაესობისა და დემოკრიის ხარისხზე შეკითხვებს ელოდა.

„მე არ ველოდი რომ სულ 5 წუთი დავყოფდი დარბაზში დროს, რადგანაც მეგონა, ვისაუბრებდით, მაგალითად იმაზე, რომ  2017 წელს მსოფლიოს 120 ქვეყანაში, საქართველო იყო, კანონის უზენაესობის ინდექსში 38-ე, რომ საქართველო, პირველია აღმოსავლეთ ევროპის ქვეყნებსა და ცენტრალური აზიის ქვეყნებში, დემოკრატიის ხარისხისა და კანონის უზენაესობის კუთხით. მეგონა, რომ ამაზე ვისაუბრებდით. პრაქტიკულად, კითხვების არარსებობა და სიმწირე ჩემდამი მიანიშნებს იმას, რომ არც არასდროს ყოფილა რეალური კითხვები“, - აღნიშნა თეა წულუკიანმა.

ცნობისთვის, ხორავას ქუჩის საქმის დროებითი საგამოძიებო კომისიის სხდომაზე იუსტიციის მინისტრის, თეა წულუკიანის გამოკითხვა დაახლოებით 5 წუთი გაგრძელდა. 

ავტორი: ,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს