პაციენტის გადასარჩენად, სასწრაფო დახმარების ეკიპაჟს რთულ რელიეფზე ფეხით გადაადგილებისთვის, 1 საათი და 25 წთ დასჭირდა

2018-08-02 14:09:10, 574 ნახვა

საზოგადოება

ახმეტის სოფელ ზემო ხოდაშენში, ახალგაზრდა მამაკაცს ხე დაეცა.

საგანგებო სიტუაციების კოორდინაციისა და გადაუდებელი დახმარების ცენტრის დირექტორის ავთანდილ თალაკვაძის ინფორმაციით, მამაკაცს წელისა და ქვედა კიდურების არეში ტრავმული დაზიანებები აღენიშნებოდა.

„ახმეტაში, სოფელ ზემო ხოდაშენში ახალგაზრდა მამაკაცი წაქცეული ხის ქვეშ მოექცა. პაციენტის გადასარჩენად ჩვენს ეკიპაჟს სამაშველო სამსახურთან ერთად ურთულეს რელიეფზე ფეხით გადაადგილებისთვის 1 საათი და 25 წთ დასჭირდა. მამაკაცი, რომელსაც წელისა და ქვედა კიდურების ტრავმული დაზიანებები აღენიშნებოდა, თელავის რეფერალურ ჰოსპიტალში გადაიყვანეს, სადაც ამჟამად შესაბამისი მკურნალობა უტარდება. მადლობას ვუხდი ჩვენს ექიმ ნათელა ვარდოშვილს, ექთან ნათია სეფიაშვილსა და მძღოლს, დავით გიგაურს. დღეს თქვენ კიდევ ერთი ადამიანის სიცოცხლე გადაარჩინეთ!“, - წერს თალაკვაძე Facebook-ის საკუთარ გვერდზე.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები