2015-06-02 20:10:14, 374 ნახვა
პოლიტიკა
ილვესი: 2015 წლის ბოლომდე ვიზა–ლიბერალიზაციის კუთხით შეიძლება, პოზიტიური გადაწყვეტილებები იქნას მიღებული
ესტონეთის პრეზიდენტი ტოომას ჰენდრიკ ილვესი რიგის სამიტს წარმატებულად აფასებს.
როგორც მან საქართველოს პრეზიდენტთან გიორგი მარგველაშვილთან ერთად გამართულ ბრიფინგზე განაცხადა, შესაძლოა, 2015 წლის ბოლომდე საქართველოსთვის ვიზა–ლიბერალიზაციის კუთხით პოზიტიური გადაწყვეტილებები იყოს მიღებული.
„ ესტონეთი ძალისხმევას არ დაიშურებს და საქართველოს დიდ მხარდაჭერას აღმოუჩენს ევროინტეგრაციის გზაზე. რიგის სამიტი, ვფიქრობ, წარმატებული იყო. შეიძლება ზოგი ასე არ ფიქრობს, მაგრამ რეალურად ვიზა–ლიბერალიზაციის კუთხით, რა თქმა უნდა პროცესი გაგრძელდება და შეიძლება, 2015 წლის ბოლომდე ამ კუთხითაც პოზიტიური გადაწყვეტილებები იყოს მიღებული“, – აღნიშნა ესტონეთის პრეზიდენტმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
