საპარლამენტო უმრავლესობის წევრმა ზაქარია ქუცნაშვილმა  ჯერჯერობით არ იცის, დაუჭერს თუ არა მხარს, მარიხუანას დეკრიმინალიზაციას.

როგორც მან ჟურნალისტებს განუცხადა,  სპეციალისტებმა უნდა თქვან, მარიხუანა რამდენად მავნებელია, ან არ არის მავნებელი ადამიანის ჯანმრთელობისთვის და გადაწყვეტილებას დეკრიმინალიზაციასთან დაკავშირებით, სწორედ მათი დასკვნის საფუძველზე მიიღებს.

„რაც შეეხება ბალახის მავნებლობა–უვნებლობის საკითხს, ეს უკვე სპეციალისტების დასადგენია. ხშირად აკეთებენ შედარებას ღვინოსთან, თამბაქოსთან, ამიტომაც სპეციალისტებმა  უნდა თქვან, მარიხუანა ჯანმრთელობისთვის რამდენად უვნებელი გახლავთ. მე მოკლებული ვარ სპეციალურ ცოდნას, სიამოვნებით მივიღებ ამ დისკუსიებში მონაწილეობას, რომ გავიგო ეს ბალახი მაწყენარია ჩვენი ახალგაზრდებისთვის, თუ უწყინარი ხილი გახლავთ. თუ უწყინარია და  ადამიანის ჯანმრთელობას არა თუ ვნებს, არამედ ხელს უწყობს, დეკრიმინალიზაციას მხარს დავუჭერ, მაგრამ თუ მავნებელია და ადამიანის ფსიქიკურ ჯანმრთელობას ანგრევს, არც ერთმა ჯანმრთელმა ადამიანმა მხარი არ უნდა დაუჭიროს.  როგორ შეიძლება,  ადამიანის ჯანმრთელობის საწინააღმდეგო ნივთიერებებს ან ნივთებს დავუჭიროთ მხარი?!“, – განაცხადა ქუცნაშვილმა.  

ცნობისთვის, პარლამენტში მარიხუანას დეკრიმინალიზების კანონპროექტი დარეგისტრირდა. კანონპროექტის ინიციატორი დეპუტატი გოგა ხაჩიძეა. საკანონმდებლო ინიციატივის თანახმად,  მარიხუანას მცირე რაოდენობით მოხმარება სისხლის სამართლის პასუხისმგებლობას აღარ გამოიწვევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა