ლელა ჩიქოვანი SNGP-ის ახალ მრჩევლებს შეხვდა

2018-07-10 18:59:32, 804 ნახვა

სამხედრო

თავდაცვის მინისტრის პირველმა მოადგილემ ნატო-საქართველოს არსებითი პაკეტის (SNGP) ფარგლებში მოვლენილ ახალ ექსპერტებს უმასპინძლა.

გაცნობითი ხასიათის შეხვედრაზე ლელა ჩიქოვანმა ამერიკელ და თურქ მრჩევლებს მხარდაჭერისთვის მადლობა გადაუხადა და წარმატებები უსურვა.

თავდაცვის სამინისტროს ცნობით, ამერიკელი ექსპერტი, ჟაკ პატონი ნატო-საქართველოს არსებითი პაკეტის ლოგისტიკის ინიციატივის მიმართულებით იმუშავებს. თურქი ექსპერტი, კაპიტანი მუზაფერ ბულდანი ქართულ მხარეს სამხედრო პოლიციის განვითარების კუთხით გაუწევს კონსულტაციებს.

ღონისძიებას SNGP-ის ძირითადი ჯგუფის წარმომადგენლები, საერთაშორისო მრჩევლები, თავდაცვის სამინისტროსა და გენერალური შტაბის წარმომადგენლები დაესწრნენ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები