საფრანგეთში ქართველთა სათვისტომოს წარმომადგენლები ოკუპირებულ ცხინვალის რეგიონთან მოსაზღვრე სოფელ ხურვალეთში იმყოფებოდნენ.

მათ ხანდაზმულთა თავშესაფრის ბენეფიციარები მოინახულეს და საჩუქრები გადასცეს.

სათვისტომოს წარმომადგენლები ხურვალეთში, მავთულხლართებთან რუსული ოკუპაციის წინააღმდეგ მშვიდობიანი აქციის გამართვას გეგმავდნენ. თუმცა, „რადიო თავისუფლების“ კორესპონდენტის ინფორმაციით, პოლიციამ უსაფრთხოების გარანტიათა არარსებობის გამო, ამ აქციის ჩატარების ნება არ დართო. საფრანგეთში მცხოვრებმა ქართველებმა მავთულხლართებისგან მოშორებით სიმბოლური აქცია გამართეს, საჰაერო ბურთები გაუშვეს და საქართველოს ჰიმნი შეასრულეს. ამის შემდეგ, სათვისტომოს წარმომადგენლებმა გადაწყვიტეს მშვიდობიანი აქციის  სოფელ ერგნეთში გამართვა, სადაც პოლიციის თანხლებით მივიდნენ.

ცნობისთვის, საფრანგეთში ქართველთა სათვისტომოს წარმომადგენლები, რომელთა ნაწილი საქართველოს პირველი დემოკრატიული რესპუბლიკის მთავრობის წევრთა  შთამომავლები არიან, საქართველოს სტუმრობენ პირველი რესპუბლიკის დაარსებიდან მეასე წლისთავის აღსანიშნავად.

ავტორი: ,

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა