ბოსტნეული კულტურების მყნობის თანამედროვე ტექნოლოგიებზე ფერმერებს ტრენინგი ჩაუტარდათ

2018-05-10 17:04:35, 1363 ნახვა

საზოგადოება

სოფლის მეურნეობის სამეცნიერო-კვლევითი ცენტრის წილკნის ერთწლოვანი კულტურების მეთესლეობის ბაზაზე ფერმერებისთვის და აგრარული მიმართულების სტუდენტებისთვის ბადრიჯნის და პომიდვრის კულტურების მყნობის თანამედროვე ტექნოლოგიებზე ტრენინგი ჩატარდა.

ბოსტნეული და ბაღჩეული კულტურების კვლევის სამსახურის სპეციალისტებმა ტრენინგის მონაწილეებს ის საერთაშორისო სტანდარტები და მეთოდები გააცნეს, რომელთა გათვალისწინებაც აუცილებელია მყნობის პროცესში.

ფერმერებმა და სტუდენტებმა მყნობის 4 ძირითადი მეთოდი პრაქტიკულ მეცადინეობაზე, ბოსტნეული კულტურების მაგალითზე შეისწავლეს.

სოფლის მეურნეობის სამეცნიერო-კვლევითი ცენტრის სპეციალისტები ფერმერებისთვის უფასო სასწავლო კურსებს პერიოდულად ატარებენ. მონაწილეობის მსურველებს სააპლიკაციო ფორმის შევსება უწყების ოფიციალურ გვერდზე შეუძლიათ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები