საქართველოს რეგიონული განვითარებისა და ინფრასტრუქტურის მინისტრმა  ზურაბ ალავიძემ თანამდებობა დატოვა, - ამის შესახებ, საქართველოს პრემიერ-მინისტრმა გიორგი კვირიკაშვილმა მთავრობის ადმინისტრაციაში გამარტაულ ბრიფინგზე განაცხადა.

 კვირიკაშვილის თქმით, ალავიძემ გადადგომის თხოვნით, მას თავად მიმართა.

„წელიწადნახევრის წინ როდესაც ზურაბ ალავიძე დაინიშნა მთავრობის ადმინისტრაციაში, სტრატეგიული პროექტების მართვის უფროსად, რომელსაც ევალებოდა რეგიონული პროექტები. მახსოვს, კარგა ხანი დამჭირდა. მისი საჯარო სამსახურში წამოსვლაზე დაყოლიებისთვის და მაშინვე ამბობდა ის, რომ საკუთარ თავს გრძელვადიან პერსპექტივაში, საჯარო სექტორში ვერ ხედავდა. გამომდინარე იქიდან, მე მას ოცი წელია ვიცნობ და ის ყოველთვის იყო კერძო სექტორში.  რამდენიმე დღის წინ მან მომმართა თხოვნით, კერძო სექტორში დაბრუნების თაობაზე.  მე ასევე დამჭირდა რამდენიმე დღე,  რომ დამეყოლიებინა დარჩენაზე. თუმცა, უარის თქმა უკვე ვეღარ შევძელი და ამიტომ, მომიწია მისი თხოვნის დაკმაყოფილება“,- აღნიშნა პრემიერმა.

კვირიკაშვილმა ალავიძეს, გაწეული სამსახურისთვის მადლობა გადაუხადა და სამომავლო საქმიანობაში წარმატება უსურვა.

შეგახსენებთ, ზურაბ ალავიძე რეგიონული განვითარებისა და ინფრასტრუქტურის მინისტრად 2016 წლის ნოემბერში დაინიშნა. მანამდე ალავიძე მთავრობის ადმინისტრაციაში მუშაობდა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს