სასამართლომ საზმაუს ჟურნალისტ ლაშა მესხის სამსახურში აღდგენა დაავალა

2018-03-29 13:52:25, 2029 ნახვა

სამართალი

თბილისის საქალაქო სასამართლომ ჟურნალისტ ლაშა მესხის მიმართ განხორციელებული პროფკავშირული ნიშნით დისკრიმინაცია დაადგინა.

როგორც „ექსპრესნიუსს“ პროფკავშირების გაერთიანებიდან აცნობეს, სასამართლომ მაუწყებელს მესხის სამსახურში აღდგენა და განაცდურის სრული ოდენობის ანაზღაურება დაავალა.

„ლაშა მესხის ინტერესებს სასმართლოში პროფკავშირების გაერთიანების იურისტი რაისა ლიპარტელიანი იცავს. დავა მაუწყებელსა და მესხს შორის გასულ წელს დაიწყო. ის საზოგადოებრივი მაუწყებლის პროფკავშირის თავმჯდომარედ არჩევის და მაუწყებელში არსებულ პრობლემებზე ღიად გაკეთებული განცხადებების შემდეგ ჯერ შეავიწროვეს, შემდეგ კი სამსახურიდან დისკრიმინაციული საფუძვლით გაათავისუფლეს“, - ნათქვამია პროფკავშირების ინფორმაციაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები