რუსეთის საგარეო საქმეთა სამინისტროს ოფიციალური წარმომადგენლის მარია ზახაროვას განცხადებით, დიდი ბრიტანეთის ხელისუფლება "სკრიპალის საქმეში" შავი პიარის მეთოდს იყენებს, - ამის შესახებ "რია ნოვოსტი" იუწყება.

როგორც ზახაროვამ აღნიშნა, ოფიციალური ლონდონი პროვოკაციებით და ავანტიურებით არის დაკავებული.

"საკუთარი თეორიის დამტკიცება არ შეუძლიათ, ამიტომ გადავიდნენ მსოფლიო მასშტაბის ანტირეკლამასა და შავი პიარის კონცეფციაზე. ეს უდიდესი პროვოკაციაა. მეტსაც ვიტყვი, ეს არის უდიდესი ავანტიურა",- განაცხადა ზახაროვამ.

მისივე თქმით, მოსკოვის წინააღმდეგ საინფორმაციო კამპანია ცუდად არის ჩატარებული. მანვე განმარტა, რომ ლონდონის არადამაჯერებელ არგუმენტაციას უკვე ბრიტანული მედია საშუალებებიც აქცევენ ყურადღებას.

ზახაროვას მტკიცებით, მათ, ვინც ცდილობს რუსეთი მტრის როლში წარადგინოს, "სიურპრიზი ელოდებათ".

"ყველასთვის გვაქვს სიურპრიზა, ვისაც ჰყოფნის გამბედაობა ან სითავხედე, რუსეთსა და ჰიტლერის გერმანიას შორის პარალელები გაავლოს", - განაცხადა მარია ზახაროვამ.

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა