ესპანეთმა ფინეთისგან კატალონიის ყოფილი მეთაურის კარლეს პუჩდემონის ექსტრადირება მოითხოვა, - ამის შესახებ STT იუწყება.

მედია საშუალების ინფორმაციით, ამ ეტაპზე ფინეთის პოლიციასა და ოფიციალურ მადრიდს შორის ინფორმაციის გაცვლა მიმდინარეობს.

"ეროვნული საგამოძიებო ბიურო აცხადებს, რომ ესპანეთი ფინეთისგან თავისი მოქალაქის ექსტრადირებას ითხოვს, რომელიც ამ ეტაპზე ფინეთს სტუმრობს. პოლიციამ აღნიშნული მოთხოვნა პროკურორს გადასცა და ესპანეთის ხელისუფლებასთან ინფორმაციის გაცვლა დაიწყო", - ნათქვამია ფინეთის პოლიციის განცხადებაში.

ფინეთის პოლიციის ინსპექტორის ჰანა კაუტოს განცხადებით, პუჩდემონის დაკავების შემთხვევაში პროკურატურაში საქმის განხილვა დაიწყება.

ცნობისთვის, გუშინ ესპანეთის უზენაესი სასამართლოს მოსამართლემ პაბლო ლიარენამ კარლეს პუჩდემონის და მისი ყოფილი მრჩევლების დაკავების საერთაშორისო ორდერი გასცა. მანამდე გავრცელდა ინფორმაცია, რომ პუჩდემონი ფინეთში 22 მარტს, შვედეთიდან ჩავიდა. ის ქვეყნის დატოვებას დღეს აპირებდა. 

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა