მთავრობა დღევანდელ სხდომაზე დიდი მიტარბის ქალაქმშენებლობის გეგმას დაამტკიცებს.

პრემიერ გიორგი კვირიკაშვილის განცხადებით, პროექტი დიდი მიტარბის გეგმაზომიერ განვითარებას ითვალისწინებს:

"საკითხი, რომელსაც მინდა შევეხო, ეს არის დიდი მიტარბის ქალაქმშენებლობის პროექტის დამტკიცება. წინა სხდომაზე დავამტკიცეთ ბაკურიანის ქალაქმშენებლობის გეგმა. დღეს გამოგვაქვს დიდი მიატრბის ანალოგიური გეგმა, რომელიც ითვალისწინებს დიდი მიტარბის გეგმაზომიერ განვითარებას. აქ საუბარია, როგორც საცხოვრებელი ზონის განვითარებაზე, ასევე სასრიალო ტრასების სიგრძის გაზრდაზე და ბაკურიანი-დიდი მიტარბის მთლიანი კომპლექსის სასრიალო ტრასების ერთმანეთთან დაკავშირებაზე. ნამდვილად შემიძლია ვთქვა, რომ ეს გეგმა და ის გზა, რომელიც ავირჩიეთ, ბაკურიანს და დიდ მიტარბს აქცევს ერთ-ერთ ულამაზეს, ყევლაზე თანამედროვე და განვითარებულ სამთო-სათხილამურო კურორტად არა მხოლოდ ზამთრისთვის, ოთხი სეზონის კურორტად. აქ საუბარია იმაზე, რომ 5 000 საწოლი ადგილი განვითარდება დიდი მიტარბის მიმართულებით. რა თქმა უნდა, აქ იქნება კვების ობიექტები, სარეკრეაციო სივრცე, ადმინისტრაციული შენობები, დიდი ინფრასტრუქტურა, დიდი სპორტული კომპლექსები, კინოთეატრები, ველოპარკები, განვითარდება ძირითადად ბაკურიანში და მთლიანობაში ერთი კომპლექსი იქნება ძალიან დიდი მიზიდულობის ცენტრი საქართველოში ტურიზმისათვის და ეს განვითარება მოიტანს ბაკურიანსა და დიდი მიტარბში, 100 კილომეტრის რადიუსის ზონაში მაცხოვრებელი ადამიანებისთვის საცხოვრებელი პირობების გაუმჯობესებას", - განაცხადა პრემიერმა.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის