საქართველოს პრეზიდენტმა  გიორგი მარგველაშვილმა  ეუთო-ს საპარლამენტო ასამბლეის გენერალური  მდივანი  სპენსერ ოლივერი მიიღო.

პრეზიდენტის პრესსამსახურის ინფორმაციით, შეხვედრისას  მხარეებმა  ოკუპირებულ ტერიტორიებზე არსებული ვითარება განიხილეს. საქართველოს პრეზიდენტმა კიდევ ერთხელ დაგმო  აფხაზეთსა და რუსეთს შორის ე.წ. ხელშეკრულება  „მოკავშირეობისა და ინტეგრაციის შესახებ“ და ცხინვალის რეჟიმთან მსგავსი დოკუმენტის გაფორმების პროექტი.

საუბარი ასევე შეეხო რეგიონში არსებულ უსაფრთხოების გარემოს და რუსეთის ფედერაციის პოლიტიკას საქართველო და უკრაინასთან მიმართებაში.  მხარეებმა საქართველოსა და ეუთო-ს შორის არსებული თანამშრომლობაც განიხილეს და ეუთო-ს საპარლამენტო ასამბლეის 25-ე წლიურ სესიაზეც იმსჯელეს,  რომელსაც 2016 წელს საქართველო უმასპინძლებს. გიორგი მარგველაშვილმა საუბრისას   სესიის მნიშვნელობაზე გააკეთა აქცენტი.

"ჩემთვის  დიდი პატივია საქართველოს  პრეზიდენტთან შეხვედრა.  მე გიორგი მარგველაშვილს მის პრეზიდენტობამდეც შევხვდი,   მოხარული ვარ რომ ის წარმატებით უძღვება თავის საქმიანობას ქართველი ხალხისთვის. მას ძალიან საინტერესო კარიერა ჰქონდა, რაც, ჩემი აზრით, საუკეთესოდ ახასიათებს მის კვალიფიკაციას ამ თანამდებობაზე. მოხარული ვარ მასთან შეხვედრით. ჩვენ  განვიხილეთ  საქართველოში და რეგიონში არსებული ვითარება, ასევე რეგიონში ყველასათვის კარგად ცნობილი პრობლემები და აღვნიშნეთ  რომ  ყველა მონდომებულია იპოვოს გამოსავალი ამ ვითარებიდან.  ეს იყო კარგი და ძალიან დასაფასებელი შეხვედრა“, - განაცხადა სპენსერ ოლივერმა.

შეხვედრას უშიშროების საბჭოს მდივანი,  პრეზიდენტის ადმინისტრაციის უფროსი და პრეზიდენტის მრჩეველი საგარეო ურთიერთობების საკითხებში დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“