"მაუწყებლობის შესახებ" კანონს პრეზიდენტმა გიორგი მარგველაშვილმა ხელი არ მოაწერა, - ამის შესახებ პრეზიდენტის საპარლამენტო მდივანმა ანა ნაცვლიშვილმა განაცხადა.

როგორც ნაცვლიშვილმა აღნიშნა, პრეზიდენტი არ აპირებს ვეტოდაძლეულ კანონს ხელი მოაწეროს.

"როგორც ცნობილია, საქართველოს პარლამენტმა გასული წლის ბოლოს მიიღო ცვლილებები "მაუწყებლობის შესახებ" საქართველოს კანონში და "შესყიდვების შესახებ" საქართველოს კანონში. როგორც კანონი ითვალისწინებს, კანონპროექტები ხელმოსაწერად გადმოეგზავნა საქართველოს პრეზიდენტს. პრეზიდენტმა ეს კანონპროექტები მოტივირებული შენიშვნებით პარლამენტს უკან დაუბრუნა. პარლმენტმა კანონმდებლობით დადგენილი წესით იმსჯელა მოტივირებულ შენიშვნებზე, მოტივირებული შენიშვნები არ გაიზიარა და პარლამენტმა კვლავ უყარა კენჭი მიღებულ ცვლილებებს და კვლავ დაუჭირა მხარი ამ ცვლილებებს. როგორც კონსტიტუცია ითვალისწინებს, ეს კანონპროექტები კვლავ გადმოიგზავნა პრეზიდენტთან და პრეზიდენტმა მიიღო გადაწყვეტილება - ის ხელს არ აწერს ამ კანონპროექტებს", - განაცხადა ანა ნაცვლიშვილმა.

ცნობისთვის, კანონი შესაძლოა ძალაში პრეზიდენტის ხელმოწერის გარეშეც შევიდეს. პროცედურულად, პრეზიდენტის უარის შემდეგ, კანონს ხელი პარლამენტის თავმჯდომარემ უნდა მოაწეროს. ირაკლი კობახიძეს კანონზე ხელის მოსაწერად 5-დღიანი ვადა აქვს.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა