ლუქსემბურგის პრემიერ-მინისტრი ხავიერ ბეტელი მამაკაცზე დაქორწინდა.
42 წლის ბეტელმა თავის პარტნიორთან, 36 წლის ბელგიელ არქიტექტორთან გოტიე დესტნესთან ურთიერთობა ოფიციალურად პარასკევს გააფორმა. ცერემონია ლუქსემბურგის დედაქალაქის მერიაში გაიმართა და დახურული იყო.
შაბათ-კვირას კი წყვილი 500–კაციანი ქორწილის გადახდას აპირებს.
ლუქსემბურგის პრემიერ-მინისტრი ევროკავშირში პირველი, ხოლო მსოფლიოში მეორე მთავრობის მეთაური გახდა, ვინც ერთსქესიან ქორწინებაში იმყოფება.
საქორწინო ცერემონიაზე ბელგიისა და ესტონეთის პერემიერ-მინისტრებიც იყვნენ.
ხავიერ ბეტელი მთავრობას სათავეში 2013 წლიდან უდგას. ლუქსემბურგის პარლამენტმა ერთსქესიანი ქორწინება 2014 წლის ივლისში მიიღო.
პირველი მსოფლიო ლიდერი, ვინც ერთსქესიანი ურთიერთობა ოფიციალურად დააკანონა, ისლანდიის პრემიერ-მინისტრი იოჰანა სიგურდარდოტირია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის