ამერიკის შეერთებული შტატები სირიაში დაპირისპირებულ მხარეებს მოუწოდებს, 1 თვის განმავლობაში ცეცხლის შეწყვეტაზე შეთანხმდნენ.

ამის შესახებ აშშ-ის სახელმწიფო დეპარტამენტის პრესსპიკერმა, ჰეზერ ნაუერტმა განაცხადა. 

ეს მას შემდეგ მოხდა, რაც სირიის სამთავრობო ძალებმა მეამბოხეების კონტროლქვეშ მყოფ აღმოსავლეთ ღუტაზე მორიგი იერიში მიიტანეს.

სადამკვირვებლო ჯგუფების მონაცემებით, ბოლო ერთი კვირის განმავლობაში, ღუტაში 250-ზე მეტი ადამიანი დაიღუპა.

"ამერიკის შეერთებული შტატები მხარს უჭერს გაეროს მოთხოვნას, ძალაში შევიდეს ერთთვიანი ცეცხლის შეწყვეტის შეთანხმება. ეს აუცილებელია რეგიონში ჰუმანიტარული დახმარების შესატანად და მშვიდობიანი მოსახლეობის გადაუდებელი სამედიცინო ევაკუაციისთვის“, – განაცხადა სახელმწიფო დეპარტამენტის პრესსპიკერმა ჰეზერ ნაუერტმა.

ამ საკითხზე, მხარეების პოზიცია, ჯერჯერობით უცნობია.

აღმოსავლეთ ღუტას ამბოხებულები აკონტროლებენ. უკვე ოთხი წელია ქალაქი ალყაში იმყოფება. გაერო-ს მონაცემებით, ტერიტორიაზე, სადაც 400 000 ადამიანი ცხოვრობს, უმძიმესი ჰუმანიტარული მდგომარეობაა.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა