ფონდ "იავნანას" დამფუძნებელი პაატა ბურჭულაძე სრულ აბსურდს უწოდებს ინფორმაციას, რომ  ფონდის მიერ ოჯახებისთვის ნაყიდი სახლები უვარგისია და ამავე დროს, არაა გადაფორმებული.

ბურჭულაძის მტკიცებით, ამ საკითხზე შეკითხვა არც დაუსვამთ:

"ეს შეკითხვა არც დასმულა, რადგან ყველამ იცის, ფონდი თვითონ კიარ ირჩევდა, არამედ იმ ოჯაცის თანხმობით, სოცმუშაკის თანხმობით,იმას ნახულობდა გამგეობის და ჩვენი ფონდის წარმომადგენელი",-განაცხადა ბურჭულაძემ.

"ბევრ ოჯახს სახლი გადაფორმებული არ აქვს და ხელშეკრულება არც ითვალისწინებს, რომ კონკრეტული ვადის გასვლის შემდეგ აუცილებლად გადაუფორმდებათ",-ამ ინფორმაციაზე ბურჭულაძის პასუხი ასეთია:

"თავიდან ფონდი ოჯახს სახლს უფორმებდა გაყიდვის უფლებით.მოხდა ისე, რომ პირველმა ოჯახებმა გაყიდეს სახლები და ბავშვები ისევ დარჩნენ ქუჩაში.ამის შემდეგ შევცალეთ და 10 წლის ვადით ვუფორმებდით ოჯახს, ოღონდ გაყიდვა არ შეეძლო.შემდეგ 10 წელი გავიდა და რამოდენიმე ოჯახმა გაყიდა. ახლა გვაქვს პირობაში, რომ ოჯახს ეკუთვნის სახლი, ოღონდ სანამ ყველაზე უმცროსი ბავშვი არ გახდება სრულწლოვანი,მას გაყიდვის უფლება არ აქვს და მემგონი, ეს არის აბსოლუტურად სწორი",-აღნიშნა პაატა ბურჭულაძემ.

მან ასევე დეზინფორმაცია უწოდა გავრცელებულ ინფორმაციას, რომ ზოგიერთ ოჯახს, ფონდის მიერ გადაცემულ სახლში  კომუნიკაციების შეყვანის  უფლება არ აქვს, რის გამოც  დენისა  და წყლის გარეშე უწევთ ცხოვრება.

ბურჭულაძის შეფასებით, საქმე მალე დაიხურება.

"ეს საქმე არ შეიძლება რომ არ დაიხუროს მალე, რადგან არ არის არაფერი. დავარწმუნეთ ჩვენ ბატონი მოსამართლე, პროკურორი და გამომძიებელი, რომ აქ არავითარ არაკანონიერს ადგილი არ აქვს",-ამბობს ბურჭულაძე.

შეგახსენებთ, გამოძიება ფონდ "იავნანას" საქმიანობით დაინტერესდა. საქმე ეხება ფონდის მიერ ქველმოქმედებისთვის განკუთვნილი თანხების შესაძლო არამიზნობრივ ხარჯვას.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს