2018-02-02 12:29:16, 2370 ნახვა
მსოფლიო
სანკტ-პეტერბურგში მაღაზიაზე თავდასხმის შესახებ ახალი დეტალები ხდება ცნობილი
სანკტ-პეტერბურგში საიუველირო მაღაზიაზე თავდასხმის შესახებ ახალი დეტალები ხდება ცნობილი, - ამის შესახებ რუსული გამოცემა Fontanka იუწყება.
მედია საშუალების ინფორმაციით, საქართველოს მოქალაქე, რომელიც ერთ-ერთი თავდამსხმელია, 45 წლის ვალერი მელნიკოვია, ბათუმიდან.
მედიის ცნობით, მელნიკოვი 2012 წელს ქურდობისთვის იყო გასამართლებული.
გუშინ მომხდარი ორმხრივი სროლის დროს საქართველოს მოქალაქეს ორი ტყვია მარჯვენა მხარსა და იდაყვში მოხვდა. რაც შეეხება მეორე დაკავებულს, აბდულაღაპოვს, რომელიც დაღესტანიდან არის, ის გულმკერდისა და წელის არეში დაიჭრა და ამჟამად რეანიმაციაში იმყოფება.
შეგახსენებთ, რომ სანქტ-პეტერბურგში სამართალდამცველებმა საიუველირო სალონის დაყაჩაღების ბრალდებით ორი პირი დააკავეს, მათ შორის ერთი საქართველოს მოქალაქეა.
![]()
ავტორი: ,
epn.ge (@expressnews.ge)
