ფინანსთა მინისტრი ნოდარ ხადური ექსპერტებს თხოვს, ლარის გაცვლით კურსთან დაკავშირებით, არამოტივირებული და არაარგუმენტირებული შეფასებებისგან თავი შეიკავონ.

ხადურის განმარტებით, ეროვნული ვალუტის გაუფასურება, გარე შოკებითაა გამოწვეული და საქართველოს მთავრობა, ლარის კურსის დასტაბილურების მიზნით ყველაფერს აკეთებს.

ამასთან, ხადურის თქმით: ლარის კურსი დასტაბილურდება და უკან დაიწევს.

„მინდა ყველა ექსპერტს ვთხოვო, რომ თავი შეიკავონ აბსოლიტურად არამოტივირებული და არაარგუმენტირებული შეფასებებისგან. პრობლემა გამოწვეულია გარე შოკებით. საქართველოს მთავრობამ არაერთხელ განაცხადა, რომ ყველაფერს აკეთებს იმისათვის რათა უახლოეს პერიოდში მოხდეს დასტაბილურება და ჩვენ იმედი გვაქვს, რომ არა თუ დასტაბილურდება - კურსმა უკან უნდა დაიწიოს.“ - განაცხადა ნოდარ ხადურმა.

მისი შეფასებით, გაცვლით კურსზე ფსიქოლოგიური ფაქტორებიც ახდენს გავლენას.

„მინდა ვთხოვო იმ ადმაიანებს რომელსაც აქვს პრეტენზია, რომ შეუძლიათ ყველაფერზე კომენტარი გააკეთონ, იყოს მათი კომენტარები უფრო არგუმენტირებული და ემყარებოდეს იმ ინფორმაციას და სტატისტიკურ მონაცემებს, რომლებიც რეალურად არსებობს.“ - განაცხადა ნოდარ ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს