ილია მეორე: განსაცდელის გამო სასოწარკვეთილებაში არ ჩავარდეთ

2015-05-14 10:56:05, 466 ნახვა

საზოგადოება

„განსაცდელის გამო სასოწარკვეთილებაში არ ჩავარდეთ და გული არ გაიტეხოთ“,-ამის შესახებ სრულიად საქართველოს კათოლიკოს პატრიარქმა უწმინდესმა და უნეტარესმა ილია მეორემ ეკა ხოფერიას თოქ-შოუში განაცხადა.
უწმინდესის თქმით, ღმერთი მოწყალე თვალით გადმოგვხედავს და ყველაფერი გაივლის.
„მინდა მთელ საქართველოს ვუთხრა, არ გაუტყდეთ გული, ყველაფერი ეს განსაცდელი, რაც გვაქვს, გაივლის და ღმერთი გადმოგვხედავს მოწყალე თვალით. ასევე მინდა არ ჩავვარდეთ სასოწარკვეთილებაში. აუცილებლად უნდა ვიშრომოთ, აუცილებლად უნდა გვიყვარდეს ერთმანეთი“,-განაცხადა ილია მეორემ.
ამასთან, პატრიარქმა დასძინა, რომ მისთვის მიუღებელია შურისძიება.
„ბოროტებით ბოროტება არ იკურნება, ბოროტება იკურნება სიყვარულითა და კეთილი საქმეებით, ერთმანეთს გავუკეთოთ კარგი, ის სიკეთე, რასაც სხვას გაუკეთებ, ათმაგად დაგიბრუნდება. ასე რომ, გვიყვარდეს ღმერთი, ადამიანი, ყველას ერთმანეთი,“- ბრზანა პატრიარქმა.