საგანგებო სიტუაციების მართვის სააგენტოს თბილისის სამმართველოს უფროსის მოადგილის  მამუკა ყირიმელის ინფორმაციით, მეტროსადგურ "ვარკეთილში" ე.წ. შეკიდული ჭერი სრულად ჩამოიშალა.

მისივე თქმით, ჭერის ჩამონგრევის მიზეზი ამ დროისთვის უცნობია.

"ჭერის ჩამონგრევის სავარაუდო მიზეზს გამოძიება დაადგენს. რაც შეეხება ფაქტს - შეტყობინებისთანავე ადგილზე მობილიზებული იყო სახანძრო-სამაშველო ჯგუფები. მომხდარი ფაქტის შედეგად დაშავებული იყო რამდენიმე მოქალაქე, რომლებიც მაშველებმა უსაფრთხო ადგილას გადაიყვანეს. მათ გაუწიეს სამედიცინო დახმარება, რის შემდეგაც სხვადასხვა საავადმყოფოში გადაიყვანეს", - განაცხადა ყირიმელმა "რუსთავი 2"-ის ეთერში.

შეგახსენებთ, რომ მეტროსადგურ "ვარკეთილში" ჭერის ჩამონგრვის შედეგად 11 ადამიანი დაშავდა, მათ შორის ერთი სამართალდამცველი. დაშავებულები საავადმყოფოში არიან გადაყვანილი. ადგილზე მაშველებთან ერთად საპატრულო პოლიციის და სასწრაფო დახმარების ჯგუფებია მობილიზებული. ინციდენტის ადგილზე ასევე ქალაქის მერი კახა კალაძე და სამგორის რაიონის გამგებელი დავით კერესელიძე მივიდნენ. მომხდართან დაკავშირებით, გამოძიება სსკ-ის 240-ე მუხლით მიმდინარეობს (უსაფრთხოების წესის დარღვევა სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება).

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა