განათლებისა და მეცნიერების სამინისტრომ მუსლიმი მოსწავლისთვის თავსაბურავის ტარების აკრძალვა კვლავ ლეგიტიმურად მიიჩნია, - ამის შესახებ „ტოლერანტობისა და მრავალფეროვნების ინსტიტუტის“ განცხადებაშია აღნიშნული.

როგორც ორგანიზაციაში აცხადებენ, განათლებისა და მეცნიერების სამინისტროს შიდა აუდიტის დეპარტამენტს ყარაჯალაში სკოლის დირექტორის მიერ მუსლიმი მოსწავლისათვის სკოლაში თავსაბურავით სიარულის აკრძალვის შესახებ მიმართეს და ამ აკრძალვის ეროვნულ კანონმდებლობასთან შესაბამისობის დადგენა სთხოვეს.

ორგანიზაციის ცნობით, ინსპექტირების დასკვნაში, რომელიც უწყებისგან 12 იანვარს მიიღეს, მითითებულია სკოლის შინაგანაწესში არსებული ჩანაწერი, რომლითაც  "აკრძალულია სკოლის შენობაში ქუდის, კეპის, ბენდენის, შარფის და ნებისმიერი სახის თავსახვევის ტარება".

„სამინისტრომ აღნიშნული ჩანაწერი მოსწავლის რელიგიის და გამოხატვის თავისუფლებაში ჩარევისათვის ლეგიტიმურ საფუძვლად მიიჩნია. 

აღნიშნული გადაწყვეტილებით სახელმწიფო უთანასწორო მდგომარეობაში აყენებს მუსლიმ გოგონებს, მაშინ როცა სხვა რელიგიის აღმსარებელ მოსწავლეებს რელიგიური მრწამსის გამოხატვა რელიგიური ატრიბუტის ტარების საშუალებით არ ეზღუდებათ“, - აცხადებენ TDI-ში.

იხილეთ სრულად: http://tdi.ge/ge/news/512-ganatlebis-saministrom-muslimi-moscavlistvis-tavsaburavis-tarebis-akrzalva-kvlav

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა