ეკონომიკისა და მდგრადი განვითარების მინისტრმა დიმიტრი ქუმსიშვილმა კომერციული ატაშეების დანიშვნის პროცესთან დაკავშირებით განმარტება გააკეთა.

მან ისაუბრა იმ დაბრკოლებაზე, რის გამოც აქამდე კომერციული ატაშეს შესარჩევად   კონკურსები არ გამოცხადდა:

„გამომდინარე იქედან, რომ მთელი ამ პერიოდის მანძილზე მუდმივად მიმდინარეობდა რეორგანიზაცია, მათ შორის ეკონომიკის სამინისტროში, თქვენ გახსოვთ, რომ შევიდა ინვესტინ ჯორჯია, გამსხვილდა აწარმოე საქართველო, რაღაც პერიოდი იყო გადაწყვეტილება, რომ შეიძლებოდა კომერციული ატაშეები ჩასულიყვნენ „აწარმოე საქართველოში“, თუმცა საბოლოოდ მივიღეთ გადაწყვეტილება, რომ ისინი დარჩებიან ეკონიომიკის სამინისტროს დონეზე იმისათვის, რომ  დონე უფრო მაღალი იყოს და ამას აღარ დასჭირდება საკანონმდებლო ცვლილებები,  წინააღმდეგ შემთხვევაში ამას საკანონმდებლო ცვლილებები  სჭირდებოდა, ეს იყო ერთ-ერთი დაბრკოლება, რატომაც არ გამოცხადდა კონკურსები“,-აღნიშნა ქუმსიშვილმა.

მინისტრი ვარაუდობს, რომ კომერციული ატაშეების დაკომპლექტება მომდევნო რამოდენიმე თვის განმავლობაში მოხდება.

„მზად ვართ კონკურსების გამოსაცხადებლად და სავარაუდოდ შემდეგი რამოდენიმე თვის განმავლობაში  ჩვენ ამას დავაკომპლექტებთ. გვინდა, საუკეთესო კადრით დაკომპლექტდეს იმიტომ, რომ მოლოდინი მაღალი გვაქვს“,-განაცხადა ქუმსიშვილმა.

კომერციული ატაშეები  საზღვარგარეთ საქართველოს საელჩოებში დაინიშნებიან და მათი მიზანი დამატებითი ინვესტიციების მოზიდვა იქნება.

ავტორი: ,

სოციალური ქსელები

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან

4 ოქტომბრის საქმეზე 3 პირს პატიმრობა მიესაჯა, მეყანწიშვილს ₾5 000-ლარიანი ჯარიმა

ფასდაკლებული პროდუქტის სამთავრობო პორტალი ჩაირთო

გვარაკიძე: კვლავ მკაცრი იყო პროკურატურის პოლიტიკა ოჯახურ დანაშაულზე, ყველას პატიმრობას ვითხოვდით