თურქეთში გერმანული გამოცემის Tagezeitung-ის ფილიალში მომუშავე ჟურნალისტები დააკავეს, - ამის შესახევ DW იუწყება.

მედია საშუალების ინფორმაციით, ჟურნალისტების დაკავება ანტიტერორისტული სპეცოპერაციის ფარგლებში მოხდა.

"ანკარაში იმ ჟურნალისტების სახლებს ჩხრეკენ, რომლებსაც აფრინში ომის საწინააღმდეგო პოზიცია ჰქონდათ. მათ შორის არიან ჩვენი რეპორტიორები ჰაირი დემირი და სიბელ ჰურტაში, რომლებიც Arti Gercek-ისთვის მუშაობდნენ. ჟურნალისტი იდრის ილმაზი ქალაქ ვანში, ხოლო ნურჩან ბაისაში და იშაკ ქარათაში სტამბულში დააკავეს“, - წერს გამოცემის წარმომადგენლობა Twitter-ის საკუთარ გვერდზე.

რეპორტიორები დემირი და ჰურტაში სამ დღიან პატიმრობაში იმყოფებიან. ისინი ხალხში ძალადობის პროვოცირებაში არიან ეჭვმიტანილები.

”ეს არის დაპატიმრებების კიდევ უფრო დიდი ტალღის ნაწილი, რომელიც მიმართულია ნებისმიერის საწინააღმდეგოდ, ვინც მშვიდობაზე საუბრობს. ძნელია ზუსტად განისაზღვროს, თუ რამდენია დაკავებული, მაგრამ სულ ცოტა 50 იქნება. ყველას ეშინია, თვითონ არ აღმოჩნდეს შემდეგი“, - აღნიშნა გაზეთის ერთ-ერთმა ჟურნალისტმა ალი ჩელიქანმა.

შეგახსენებთ, რომ თურქეთმა სირიაში ტანკები შეიყვანა. თურქეთის შეიარაღებულმა ძალებმა 153 დარტყმა განახორციელეს. კერძოდ, სირიის ჩრდილოეთ ნაწილში, აფრინის რაიონში, სადაც ქურთების პოზიციებია. შედეგად, ერთი ადამიანი დაიღუპა, 32 კი დაშავდა თურქულ ქალაქ რეიჰანლიში სარაკეტო იერშის შედეგად, რომელიც აფრინის რაიონიდან განხორციელდა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია