ხორავაზე მომხდარ მკვლელობაში ბრალდებულების წინასასამართლო სხდომა დღეს გაგრძელდება

2018-01-10 09:54:22, 1544 ნახვა

სამართალი

ხორავას ქუჩაზე მომხდარ მკვლელობაში ბრალდებულების წინასასამართლო სხდომა დღეს, 15:00 საათზე გაგრძელდება.

გუშინდელ სასამართლო პროცესზე მტკიცებულებების დასაშვებობის საკითხზე იმსჯელეს.

დაცვის მხარე მიიჩნევს, რომ ბრალდების მტკიცებულებების ნაწილი კანონდარღვევითაა მოპოვებული.

დღევანდელ პროცესზე ბრალდების მხარე დაცვის შუამდგომლობასთან დაკავშირებით საკუთარ პოზიციას დააფიქსირებს.

"დაცვის მხარე ითხოვს უმნიშვნელო მტკიცებულებების დაუშვებლად ცნობას. ბრალდების მხარეს ყველა მტკიცებულება კანონის დაცვით აქვს მოპოვებული", - განაცხადა პროკურორმა ზვიად ფხაკაძემ.

ვინაიდან საქმე არასრულწლოვნებს ეხება, პროკურორმა მტკიცებულებების შინაარსობრივ მხარეზე საუბრისგან თავი შეიკავა.

რა მტკიცებულებებს სცნობს მოსამართლე დასაშვებად, გადაწყვეტილება დღეს გახდება ცნობილი.

ამასთან, გუშინდელ სხდომაზე ასევე, ბრალდებულებისთვის შეფარდებული აღკვეთის ღონისძიება გადაისინჯა. სასამართლომ ორივე მათგანი პატიმრობაში დატოვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები