ბათუმის სასწრაფო სამედიცინო დახმარების ცენტრმა ავტოპარკი განაახლა.

ცენრტში აჭარის ა.რ. მთავრობის თავმჯდომარე ზურაბ პატარაძე, ჯანმრთელობისა და სოციალური დაცვის მინისტრი ზაალ მიქელაძე, ბათუმის მერი ლაშა კომახიძე და მერის მოადგილე ლელა სურმანიძე იმყოფებოდნენ. ისინი პერსონალს შეხვდნენ და ახალი ავტომობილების შეძენა მიულოცეს.

,,სასწრაფო სამედიცინო დახმარების კუთხით ქალაქი მზად არის სრულყოფილი მომსახურება გაუწიოს მოსახლეობას. დღეს შეგვემატა თანამედროვე საშუალებებით აღჭურვილი 6 ახალი ავტომანქანა. ეს ქალაქისათვის ძალიან მნიშვნელოვანი შენაძენია“, - განაცხადა ბათუმის მერმა ლაშა კომახიძემ.

ცენტრმა ავტოპარკი 6 ერთეული ფიატის მარკის ავტომობილით განაახლა. ავტომობილების ღირებულება 518 ათას ლარს შეადგენს. ახალი ტრანსპორტი აღჭურვილია ყველა საჭირო მოწყობილობით. აღნიშნული ავტომობილებით სასწრაფო სამედიცინო დახმარების ცენტრის ბალანსზე რიცხული ძველი ავტომობილები ჩანაცვლდა. აღსანიშნავია, რომ ავტოპარკის განახლება შარშანაც განხორციელდა. ცენტრმა მაშინ 4 ერთეული ფოლკსვაგენის მარკის მაღალი გამავლობის ავტომობილი შეიძინა. ბათუმის სასწრაფო სამედიცინო დახმარების ცენტრს 13 ბრიგადა ჰყავს. ზამთრის სეზონზე დამატებით 2 ბრიგადა მუშაობს.

(NS)

ავტორი: ,

სოციალური ქსელები

პოლონეთი ქვეყანაში შესვლის გამკაცრებას გეგმავს, მათ შორის საქართველოს მოქალაქეებისთვის

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას