უკრაინის პრეზიდენტის პრესმდივანმა სვიატოსლავ ცეგოლკომ Facebook-ის საკუთარ გვერდზე ის წერილი გამოაქვეყნა, რომელიც პეტრო პოროშენკოს საქართველოს მესამე პრეზიდენტმა მიხეილ სააკაშვილმა მისწერა.

როგორც ცეგოლკომ აღნიშნა, წერილის გასაჯაროება მას შემდეგ გადაწყდა, რაც პრეზიდენტის ადმინისტრაციას ბევრმა ჟურნალისტმა მიმართა. გამოქვეყნების კიდევ ერთ მიზეზად პოროშენკოს პრესმდივანი სააკაშვილის მიერ ბოლო დღეებში გაკეთებულ განცხადებებს ასახელებს.

წერილში სააკაშვილი ამბობს, რომ ФСБ-სთან მისი კავშირი აბსურდულია და მას "არანაირი აგრესიული განზრახვები არ აქვს". სააკაშვილის თქმით, მის მიმართ გაჟღერებული მსგავსი ბრალდებები უკრაინის მტერს ახარებს.

„მიუხედავად ბოლო მოვლენებისა, არავითარი აგრესიული განზრახვა არ მაქვს. კარგად მიცნობთ და ხვდებით, რომ ჩემი დადანაშაულება ФСБ-ზე მუშაობაში არა მხოლოდ სრული აბსურდია, არამედ ძალიან ახარებს უკრაინის მტერს. რა თქმა უნდა, ბევრი პოლიტიკური შეცდომა დამიშვია და ვუშვებ, მაგრამ ახლა, როგორც არასოდეს დარწმუნებული ვარ, რომ სიტუაციის დეესკალაციაა საჭირო, რათა დესტაბილიზაცია არ მოხდეს. მზად ვარ ნებისმიერ დროს შევხვდე უფლებამოსილ წარმომადგენელს და ყველაფერზე მოვილაპარაკოთ. პატივისცემით მ.",- ნათქვამია წერილში.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია