თურქეთის ქალაქ დემრეში ერთ-ერთ ცენტრალურ ქუჩას რუსეთის მოკლული ელჩის, ანდრეი კარლოვის  სახელი დაერქმევა, - ამის შესახებ "რია ნოვოსტი" იუწყება.

როგორც თუქეთში რუსეთის ამჟამინდელმა ელჩმა ალექსეი ერხოვმა განაცხადა, ქუჩას სახელი 2018 წელს დაერქმევა.

"ქუჩას ბატონი კარლოვის სახელი დაერქმევა. ამაზე მიმდინარეობს მთელი რიგი სამუშაოები. გარდა ამისა, იგეგმება მემორიალური დაფის გახსნა, სადაც დიპლომატის შესახებ იქნება ინფორმაცია მითითებული", - განაცხადა ელჩმა.

შეგახსენებთ, რომ თურქეთში რუსეთის ელჩის მკვლელობიდან ზუსტად ერთი წელი გავიდა. ანდრეი კარლოვი 2016 წლის 19 დეკემბერს ანკარაში იმ დროს მოკლეს, როდესაც ფოტოგამოფენაზე სიტყვით გამოდიოდა. მას 22 წლის მევლუთ მერთ ალთინთაშმა ესროლა, რომელიც ყოფილი სპეცრაზმელი იყო. ის პოლიციამ შემთხვევის ადგილზევე მოკლა. თურქეთმა და რუსეთმა მომხდარს ტერაქტის კვალიფიკაცია მიანიჭეს და მკვლელობის ერთობლივ გამოძიებაზე შეთანხმდნენ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია