აზერბაიჯანის პრეზიდენტი ილჰამ ალიევი  სტამბოლში, ისლამური თანამშრომლობის ორგანიზაციის სამიტზე სიტყვით გამოვიდა.

როგორც მან აღნიშნა, აშშ-ის გადაწყვეტილება იერუსალიმის ისრაელის დედაქალაქად ცნობის შესახებ პალესტინა-ისრაელის კონფლიქტის მოგვარებაზე უარყოფითად იმოქმედებს.

„აშშ-ის პრეზიდენტის დონალდ ტრამპის გადაწყვეტილება იერუსალიმის ისრაელის დედაქალაქად ცნობისა და ამერიკის საელჩოს ამ ქალაქში გადატანის შესახებ, შემაშფოთებელია.  ეს გადაწყვეტილება ნეგატიურად იმოქმედებს ისრაელი-პალესტინის კონფლიქტის სამართლიან და ყოველმხრივ დარეგულირებაზე და  შესაძლოა, ჰქონდეს საშიში შედეგები ახლო აღმოსავლეთისთვის.  ამერიკამ  ამ გადაწყვეტილებას უნდა გადახედოს“, - განაცხადა ალიევმა სიტყვით გამოსვლისას.

შეგახსენებთ, 6 დეკემბერს აშშ-ის პრეზიდენტმა, დონალდ ტრამპმა განაცხადა, რომ ვაშინგტონი იერუსალიმს ისრაელის დედაქალაქად ოფიციალურად აღიარებს. ამასთან, დონალდ ტრამპმა აღნიშნა, რომ ისრაელში აშშ-ის საელჩო თელ-ავივიდან იერუსალიმში გადაინაცვლებს. ტრამპის გადაწყვეტილების შემდეგ, ისრაელის სამართალდამცველებსა და პალესტინელებს შორის შეტაკებები დაიწყო. 

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე