„ფოკუსი იმაზე, რომ ჩვენ დავზოგავთ რაღაც თანხებს, არ არის მნიშვნელოვანი“, - ამის შესახებ სოფლის მეურნეობის მინისტრმა ლევან დავითაშვილმა მთავრობის სტრუქტურულ ცვლილებებთან დაკავშირებით ჟურნალისტებს განუცხადა.

როგორც დავითაშვილმა აღნიშნა, მნიშვნელოვანია ცვლილებების შედეგად მოხდეს ბიუროკრატიის შემცირება და ეფექტური მმართველობითი რეფორმის გატარება.

მისივე თქმით, მთავრობას სამინისტროების გაერთიანების კუთხით რეორგანიზაციის გეგმა უკვე აქვს და მას რამდენიმე კვირაში განიხილავენ.

"სტრუქტურულ ცვლილებებთან დაკავშირებით არაერთხელ გაგვიკეთებია განცხადება იმასთან დაკავშირებით, რომ ფოკუსი იმაზე, რომ ჩვენ დავზოგავთ რაღაც თანხებს, არ არის მნიშვნელოვანი. მნიშვნელოვანია მმართველობითი რეფორმის სწორად ჩატარება, მმართველობის გაუმჯობესება, ბიუროკრატიის მოხსნა, მათ შორის უკეთესი კოორდინაცია უწყებებს შორის. რეორგანიზაციის გეგმა ფაქტიურად ჩვენ უკვე გვაქვს სამინისტროების გაერთიანების კუთხით, ამას რამდენიმე კვირაში განვიხილავთ და სამინისტროების გაერთიანების პროცესი წარიმართება ეფექტიანად. ეს არის ძალიან მნიშვნელოვანი, რომ ორივე მიმართულება, გარემოს დაცვითი და სოფლის განვითარების, გაძლიერდეს გაერთიანებული სტრუქტურის ფარგლებში. რაც შეეხება სრულ რეორგანიზაციას, ჩვენ გვაქვს სამი თვე, რაც გულისხმობს მათ შორის საჯარო სამართლის იურიდიული პირების სტრუქტურების გაცნობას, ოპტიმიზაციას და ა.შ. როცა ოპტიმიზაციაზე ვსაუბრობთ, ვგულისხმობთ მმართველობით ოპტიმიზაციას და ამავე დროს მოიაზრება ეკონომია", - განაცხადა ლევან დავითაშვილმა.

ავტორი: ,

სოციალური ქსელები

დრონები ურალის და პერმს, დაესხნენ თავს სადაც ლუკოილის ნავთობგადამამუშავებელი ქარხანა მდებარეობს

მოლდოვასთან საზღვარზე საკონტროლო-გამშვები პუნქტი რუსეთის საჰაერო დარტყმების გამო შეჩერდა

უკრაინამ შეიმუშავა გეგმა, რომლის მიხედვითაც მოსკოვის აეროპორტები 1000 დრონის გამოყენებით სრულად იქნება პარალიზებული.

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად