უკრაინის შს მინისტრმა სააკაშვილს მოუწოდა, კანონის მოთხოვნებს დაემორჩილოს

2017-12-05 16:46:55, 2060 ნახვა

მსოფლიო

უკრაინის შინაგამ საქმეთა მინისტრმა არსენ ავაკოვმა საქართველოს მესამე პრეზიდენტს, მიხეილ სააკაშვილს მოუწოდა კანონის მოთხოვნებს დაემორჩილოს, - ამის შესახებ შს მინისტრი Twitter-ის საკუთარ გვერდზე წერს.

როგორც ავაკოვმა აღნიშნა, ნებისმიერი კონფლიქტი მხოლოდ კანონიერი გზით უნდა გადაიჭრას.

"სააკაშვილი უნდა დაემორჩილოს კანონის მოთხოვნებს, გაიაროს კანონიერი პროცედურა და წარდგენილ ბრალდებას უპასუხოს და არა სისხლისღვრისა და დაპირისპირების პროვოცირება მოახდინოს“, - წერს ავაკოვი.

ცნობისთვის, საქართველოს ყოფილი პრეზიდენტი მიხეილ სააკაშვილი დღეს დილით დააკავეს, თუმცა მომხრეებმა ის რამდენიმე საათში გაათავისუფლეს. ამ დროისთვის სააკაშვილი მხარდამჭერებთან ერთად უკრაინის უმაღლეს რადასთან საპროტესტო აქციას მართავს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები