ექსპერტ სოსო ცინცაძის შეფასებით, წლის ბოლომდე გაირკვევა - მიხეილ სააკაშვილს საქართველოს გადმოსცემენ, თუ უკრაინიდან გააძევებენ.

„როგორც ჩანს წლის ბოლომდე უნდა გაირკვეს ყველაფერი ამ მხრივ იმიტომ, რომ  პოროშენკოს სულაც არ უნდა,  ახალ წელს სააკაშვილის კრიტიკის ქარცეცხლის პირობებში შეხვდეს“,-აღნიშნა სოსო ცინცაძემ „ექსპრესნიუსთან“ უკრაინაში მიხეილ სააკაშვილის დაკავების საკითხზე საუბრისას.

ცინცაძის აზრით, მიხეილ სააკაშვილთან დაკავშირებით გადაწყვეტილება უკრაინის პრემიერის საქართველოში ვიზიტის დროს მიიღეს:

„რაც არ უნდა ამტკიცოს პოროშენკომ, ან უკრაინის  პრემიერმა,  ჩვენმა პრემიერმა, მინისტრებმა, რომ სხვა საკითხები განიხილებოდა, დღეს არანაირი აქტიური, მასშტაბური ეკონომიკური პოლიტიკური თანამშრომლობა საქართველოსა და უკრაიანს შორის არ მიმდინარეობს. არის ერთი პრობლემა, რომელიც დიალოგის საბაბად იქცა. ეს არის სააკაშვილის მომავალი. პოროშენკოც მაგიტომ იყო ჩამოსული და პრემიერიც. ვინ ჭამს ახლა ამას, ვის სჯერა განცხადებების, რომ მათ სააკაშვილის თემებზე სალაპარაკოდ დრო არ ჰქონდათ? ამიტომ ჩამოვიდნენ მხოლოდ და გადაწყდა ასეთად“,-აღნიშნა სოსო ცინცაძემ.

მისი შეფასებით, უკრაინაში მიხეილ სააკაშვილის დაკავება ხელოვნური საბაბით მოხდა:

„არადამაჯერებელია დანაშაულებრივ წრეებთან კავშირი, ამის დამტკიცება შეუძლებელი იქნება,  მაგრამ, როგორ ჩანს, პოროშენკო არ ფიქრობს, რომ მტკიცება დაიწყოს და იქ სასამართლო მოაწყოს. დააპატიმრებენ სააკაშვილს და შემდეგ ერთი ნაბიჯიღა რჩება-ან ქვეყნიდან გაძევებაზე, ან საქართველოსთვის გადმოცემაზე“,-აღნიშნა სოსო ცინცაძემ.

შეგახსენებთ, უკრაინის უსაფრთხოების სამსახურმა საქართველოს ყოფილი პრეზიდენტი, ოდესის ოლქის ყოფილი გუბერნატორი მიხეილ სააკაშვილი დააკავა. მას დანაშაულებრივ ჯგუფებთან თანამშრომლობას და დანაშაულის დაფარვას ედავებიან.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია