ლომჯარია: შშმ პირთა უფლებების დაცვა მხოლოდ კანონებისა და რეგულაციების მიღებით არ უნდა გამოიხატოს

2017-11-29 19:40:51, 1915 ნახვა

კომენტარი

სახალხო დამცველის კანდიდატმა ნინი ლომჯარიამ პარლამენტში იმ გამოწვევებზე ისაუბრა, რასაც შეზღუდული შესაძლებლობების მქონე პირებთან დაკავშირებით ხედავს.

ლომჯარიას თქმით, სახალხო დამცველად არჩევის შემთხვევაში, ეს მიმართულება მისთვის პრიორიტეტული იქნება.

„ვიცი, რომ სახალხო დამცველის აპარატი, ასევე სამოქალქო საზოგადოება არის ძალიან აქტიური ამ თვალსაზრისით, მაგრამ ჩემი ხედვა მდგომარეობს იმაში, რომ ჩვენ უნდა ვიმუშაოთ არა მხოლოდ კანონმდებლობაზე, არა მხოლოდ კონცეფციების დონეზე, უფლების დეკლარირება ძალიან მნიშვნელოვანია, მაგრამ შეზღუდული შესაძლებლობის მქონე პირთა უფლებების დაცვა არ უნდა გამოიხატოს მხოლოდ კანონებისა და რეგულაციების მიღებით. ეს უნდა აისახოს სახელმწიფო უწყებებისა თუ სხვა პირების ყოველდღიურ გადაწყვეტილებაში“,-აღნიშნა ნინო ლომჯარიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები