პრემიერ-მინისტრ ირაკლი ღარიბაშვილის ხელმძღვანელობით, დღეს მთავრობის ადმინისტრაციაში ათასწლეულის გამოწვევის ფონდი-საქართველოს სამეთვალყურეო საბჭოს სხდომა გაიმართა. საბჭოს წევრებმა 2014 წელს ჩატარებული საქმიანობის ანგარიში, 2015 წლის გეგმები და კომპაქტის ფარგლებში მიმდინარე პროექტები განიხილეს.
სხდომაზე განსაკუთრებული ყურადღება გამახვილდა კორპორაციის მეორე კომპაქტის უმაღლესი განათლების პროექტზე - „სან დიეგოს სახელმწიფო უნივერსიტეტი და საქართველო 2020.“ პროექტის ფარგლებში, საქართველოს სამ სახელმწიფო უნივერსიტეტში  –ივანე ჯავახიშვილის სახელობის თბილისის სახელმწიფო უნივერსიტეტში, ილიას სახელმწიფო უნივერსიტეტსა და საქართველოს ტექნიკურ უნივერსიტეტში განხორციელდება ბაკალავრიატის ამერიკულ საგანმანათლებლო პროგრამები ელექტრულ ინჟინერიაში, ქიმიაში (ბიოქიმიის განხრით), კომპიუტერულ ინჟინერიაში, სამოქალაქო ინჟინერიასა და სამრეწველო მშენებლობაში. კურსდამთავრებულები მიიღებენ ამერიკულ განათლებას და დიპლომებს. აღნიშნული პროექტის განხორციელებისთვის კომპაქტიდან 30 მილიონი აშშ დოლარის ინვესტირება მოხდება.
ათასწლეულის გამოწვევის ფონდი - საქართველოს აღმასრულებელი დირექტორის მაგდა მაღრაძის განცხადებით, სან დიეგოს სახელმწიფო უნივერსიტეტი  მიმდინარე წლის სექტემბრის თვიდან დაიწყებს საბაკალავრო პროგრამების შეთავაზებას საქართველოს სტუდენტებისთვის.
„შარშან საქართველოში შემოვიდა ამერიკული უნივერსიტეტი და წელს სექტემბრიდან იწყებს საბაკალავრო პროგრამების შეთავაზებას საქართველოს სტუდენტებისთვის. აღნიშნული პროექტის ბიუჟეტი გახლავთ 30 მილიონი ამერიკული დოლარი,რომელიც ფინანსდება 140 მილიონი ამერიკული დოლარიდან,რაც ამერიკის შეერთებული შტატების მთავრობამ გამოუყო საქართველოს,“–აღნიშნა მაგდა მაღრაძემ სხდომის დასრულების შემდეგ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან