საქართველოს იუსტიციის მინისტრისთვის კონსტიტუციიდან ტერმინის - ხმოსანი  ამოღება მიუღებელია.

თავდაპირველი ცვლილებების თანახმად, პრეზიდენტის არჩევის არაპირდაპირ წესზე გადასვლისას, სახელმწიფოს მეთაურს  ირჩევდნენ ხმოსნები, თუმცა მოგვიანებით მას საარჩევნო კოლეგიის წევრები ეწოდა. პარლამენტის თავმჯდომარის განცხადებით, აღნიშნულის მიზეზია ის, რომ სიტყვა ხმოსნები ქილიკის საგანი გახდა.

წულუკიანის თქმით, ქართული სიტყვების კონსტიტუციაში ჩაწერა პირიქით  მისასალმებელია:

„როდესაც კონსტიტუციაში შემოაქვს და აფუძნებს ქართული სიტყვების ხმარებას, ეს ალბათ პირიქით მისასალმებელი უნდა იყოს.  მაგალითად, მივესალმები იმას, რომ თანახელმოწერა შემოვიდა და აღარ ვიტყვით კონტრასიგნაციას. დასანანია, რომ ხმოსანი შემოგვქონდა და ახლა უნდა ამოვშალოთ“,-აღნიშნა წულუკიანმა.

მისთვის გაუგებარია, რატომ არ აპროტესტებენ იგივე ადამიანები კონსტიტუციაში სიტყვა ინტერპელაციის ჩაწერას:

„ის, ვინც ამ ქართულ სიტყვას აქილიკებს, მან თუ გააქილიკა, მაგალითად, ინტერპელაცია, რომელსაც მე არ ვეთანხმები, რომ შემოვიტანოთ, რადგან ეს არ არის ქართული ტერმინი და უფრო პოლიციური სამართლებრივი ტერმინია. ქუჩაში რომ გაგაჩერებს, მაგალითად, ევროპაში პოლიციელი და ინტერპელაციას ჩაგიტარებს, შენ ვალდებული ხარ, მის კითხვებს გასცე ქუჩაშივე პასუხი. შინაარსობრივად, ამაში იგულისხმება შემდეგი:  მე, იუსტიციის მინისტრს, რომ გამომიგზავნის დეპუტატი კითხვას, ვალდებული ვარ, ვუპასუხო. ეს არის პირველი პუნქტი, მეორე ვალდებული ვარ, ასეთ კითხვას, თუკი დეპუტატების ჯგუფი გამოგზავნის, მე პასუხი წერილობით კი არ გავცე, არამედ გამოვცხადდე სხდომაზე და ისე გავცე პასუხი. ამას დავარქვით ინტერპელაცია. ეს არის ჩვეულებრივი გამოძახება. რამდენი ვინმე ქართულ სიტყვას გააქილიკებს, ჩვენ ეს არ უნდა ამოვშალოთ კონსტიტუციიდან“,- განაცხადა თეა წულუკიანმა.

მინისტრს დაეთანხმა საკონსტიტუციო კომისიის წევრი ლაშა ტუღუში:

„უნდა დავტოვოთ ეს ტერმინი. რატომ უნდა შევცვალოთ, იმიტომ რომ ვიღაც ხუმრობს? უნდა დავამკვიდროთ ქართული სიტყვები“,-განაცხადა ლაშა ტუღუშმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია