„ქართული ოცნების“ წარმომადგენელი კობა ნარჩემაშვილი ისანში, გაბრიელ სალოსის ქუჩაზე მიმდინარე სპეცოპერაციას გამოეხმაურა.

დეპუტატის განცხადებით, მისთვის მძიმე სანახავია, რომ სპეცოპერაცია პირდაპირ ეთერში გადის.

როგორც მან განმარტა, ასეთ ვითარებაში პასუხისმგებლობა არა მარტო ხელისუფლებას, არამედ პრესასაც აქვს.

„ჩვენ  უნდა დაველოდოთ  შესაბამისი სამსახურის წარმომადგენლების  შეფასებებს, მათ განცხადებებს, მათ გააკეთეს უკვე განცხადება.  ჩვენ მაქსიმალურად  უნდა ვეცადოთ, რომ   ხელი არ შევუშალოთ თავიანთი მოქმედებების შესრულებაში. ერთი რამ, რაც  ჩემთვის ძალიან მძიმე სანახავია, არის ის, რომ  პრაქტიკულად სპეცოპერაცია პირდაპირ ეთერში გადის, პასუხისმგებლობა ზოგადად ასეთ  შემთხვევებში არ აქვს მარტო  ხელისუფლებას, პასუხისმგებლობა  აქვს პრესასაც, მასობრივი ინფორმაციის საშუალებებს. იმიტომ რომ საზოგადოების უსაფრთხოება  ყველას დასაცავია. ასეთი საგანგებო ვითარების დროს ყველაფრის გაკონტროლება შეუძლებელია, მაგრამ შესაძლებელია მედია რაღაც ადგილამდე მივიდა, ხოლო მერე  ამ გადაღებული მასალის გავრცელებისა და  პირდაპირ ეთერში გაშვებისგან  შეიძლება თავი შეიკავოს“,-განაცხადა კობა ნარჩემაშვილმა.

ცნობისთვის, სპეცოპერაციის კადრების პირდაპირ ეთერში გავრცელებას ჟურნალისტური ეთიკის ქარტიაც გამოეხმაურა. როგორც ქარტიაში აცხადებენ, მედიას ვალდებულება აქვს, ანტიტერორისტული ქმედებები დეტალურად არ გააშუქოს.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია