2017-11-22 11:45:24, 1836 ნახვა
სამართალი
არსებული ინფორმაციით, სპეცოპერაციის დროს დაშავებულ სპეცრაზმელს ჭრილობა თავის არეში აქვს მიყენებული
გაბრიელ სალოსის ქუჩაზე მიმდინარე სპეცოპერაციის დროს დაჭრილ სპეცრაზმის თანამშრომელს ინგოროყვას კლინიკაში ოპერაცია უტარდება.
„რუსთავი 2“-ის ინფორმაციით, მას ჭრილობა თავის არეში აქვს მიყენებული.
ამასთან, ვრცელდება ინფორმაცია, რომ სპეცოპერაციის დროს კიდევ ერთი სამართალდამცველი დაიჭრა, თუმცა ამ ინფორმაციას უწყებები არ ადასტურებენ.
შეგახსენებთ, ბერი გაბრიელს სალოსის ქუჩაზე ანტიტერორისტული ოპერაცია 16 საათზე მეტია მიმდინარეობს. ადგილზე სამართალდამცველებს და ეჭვმიტანილ პირებს შორის შეტაკება რამდენჯერმე მოხდა. ისმოდა სროლის და აფეთქებების ხმა. ამასთან, იმ კორპუსის მესამე და მეოთხე სართულზე, სადაც ეჭვმიტანილები იმყოფებიან ხანძარი გაჩნდა. ცოტა ხნის წინ სპეცოპერაციის ადგილზე ჯავშანტექნიკაც შეიყვანეს.
![]()
ავტორი: ,
epn.ge (@expressnews.ge)
