ვლადიმერ პუტინი ბაშარ ალ-ასადს სოჭში შეხვდა - „მადლობა მხარდაჭერისთვის, ამას არ დავივიწყებთ“

2017-11-21 18:15:47, 2668 ნახვა

მსოფლიო

რუსეთის პრეზიდენტი ვლადიმერ პუტინი სირიის ლიდერს ბაშარ ალ-ასადს სოჭში შეხვდა, - ამის შესახებ Reuters იუწყება.

მედია საშუალების ინფორმაციით, პუტინმა სირიის პრეზიდენტი თავდაცვის სამინისტროს ხელმძღვანელობასა და რუსეთის შეიარაღებული ძალების გენერალურ შტაბს წარუდგინა.

მედიის ცნობით, რუსეთის ლიდერმა კოლეგას ტერორიზმთან ბრძოლაში მიღწეული წარმატებები მიულოცა.

როგორც პუტინმა განაცხადა, რუსეთის სამხედრო ოპერაცია სირიაში მალე დასრულდება და სირია "ისლამურ სახელმწიფოზე გამარჯვებას იზეიმებს". მანვე დასძინა, რომ აღნიშნულ საკითხთან დაკავშირებით ასადთან მოლაპარაკებებს სატელეფონო ფორმატშიც გააგრძელებს და ამერიკის შეერთებული შტატების პრეზიდენტ დონალდ ტრამპსაც გაესაუბრება.

თავის მხრივ ასადმა პუტინს მხარდაჭერისთვის მადლობა გადაუხადა : "ჩვენ ამას არ დავივიწყებთ" და განაცხადა, რომ "ახლა პოლიტიკური პროცესების განვითარებაზე უნდა იზრუნოს".

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები