ნიგერიაში, ქალაქ მუბის მეჩეთში აფეთქება მოხდა, რის შედეგადაც სულ მცირე 50 ადამიანი დაიღუპა, - ამის შესახებ France Press იუწყება.

მედია საშუალების ინფორმაციით, აფეთქების შედეგად კიდევ რამდენიმე ადამიანი დაშავდა, ისინი ადგილობრივ საავადმყოფოში გადაიყვანეს. ამასთან, პოლიცია დაშავებულების ზუსტ რაოდენობას არ ასახელებს.

მედიის ცნობით, ასაფეთქებელი მოწყობილობა მეჩეთში შესულმა 17 წლის თვითმკვლელმა ტერორისტმა აამოქმედა.

მომხდარზე პასუხისმგებლობა ჯერ არც ერთ ტერორისტულ დაჯგუფებას არ აუღია.

ცნობისთვის, ნიგერიაში რადიკალური ისლამისტური დაჯგუფება „ბოკო ჰარამი“ მოქმედებს. მისი წევრები ქვეყანაში დასავლური განათლების შემოღებას ეწინააღმდეგებიან და ხელისუფლებას მოუწოდებენ შარიათის კანონები გამოიყენონ. ნიგერიაში ბოლო დროს განხორციელებული ტერაქტების ორგანიზება თავის თავზე სწორედ ამ დაჯგუფებამ აიღო.

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე