გიორგი ალიბეგაშვილმა თბილისის საკრებულოს პირველ სხდომაზე ახლადარჩეულ წევრებს სიტყვით მიმართა.

მან საკრებულოს დეპუტატებს მომავალ საქმიანობაში წარმატებები უსურვა.

ალიბეგაშვილის თქმით, მნიშვნელოვანია, რომ თბილისის საკრებულომ დედაქალაქის განვითარებაზე და მოსახლეობის პრობლემებზე იყოს ორიენტირებული.

„ჩემთვის დიდი პატივი იყო, როდესაც ჩემმა გუნდმა გამომიცხადა ნდობა 2014 წელს. მე ვასრულებდი ძალიან საპატიო მისიას. მინდა მადლობა ვუთხრა ყველას, წარმატება ვუსურვო თბილისის ახლადარჩეულ მერს და საკრებულოს თავმჯდომარეს. მინდა თბილისზე ფიქრში გაატაროთ ეს ოთხი წელი. ვისურვებდი, გეფიქრათ არა ერთმანეთის ჯიბრზე, არამედ ქალაქის განვითარებაზე. მნიშვნელოვანია მეტი კონსტრუქციულობა და მეტად გათვალისწინება ჩვენი მოსახლეობის პრობლემების“, -განაცხადა გიორგი ალიბეგაშვილმა.

მას საკრებულოს წევრობის უფლებამოსილება დღევანდელ სხდომაზე შეუწყდება.

გიორგი ალიბეგაშვილი ენის სახელმწიფო დეპარტამენტს უხელმძღვანელებს.

„ჩვენი ფუნდამენტური ღირებულებებისთვის ახალ სამსახურს დიდი მნიშვნელობა აქვს“, - აღნიშნა გიორგი ალიბეგაშვილმა.

საკრებულოს სხდომაზე ამ წუთებში შესვენებაა გამოცხადებული. მეექვსე მოწვევის საკრებულოს სხდომას ახლადარჩეული უხუცესი წევრი ფრიდონ ინჯია უძღვება. 

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე